Insaħħu l-protezzjoni kontra l-influwenza staġjonali

Din is-sena, l-istaġun tal-influwenza fl-Ewropa huwa saħansitra aktar diffiċli minħabba l-koċirkolazzjoni possibbli tal-COVID-19 u l-influwenza.

Għall-biċċa l-kbira tagħna, il-konsegwenzi mhux se jkunu serji. Madankollu, għall-gruppi vulnerabbli bħan-nisa tqal, it-tfal iż-żgħar u l-anzjani, kif ukoll il-persuni immunokompromessi, l-influwenza tista’ tkun perikoluża. Huwa għalhekk li ċ-Ċentru Ewropew għall-Prevenzjoni u l-Kontroll tal-Mard u l-Organizzazzjoni Dinjija tas-Saħħa jirrakkomandaw it-tilqim annwali bħala wieħed mill-aħjar modi biex jiġu evitati mard serju u kumplikazzjonijiet. Il-professjonisti tal-kura tas-saħħa għandhom jitlaqqmu wkoll biex jipproteġu lill-pazjenti tagħhom milli jiġu infettati.